عَنِ ابْنِ عُمَرَ رضي الله عنه قَالَ: قَالَ رَسُولُ اللَّهِ صلى الله عليه وسلم : بُنِيَ الإِسْلَامُ عَلَى خَمْسٍ: شَهَادَةِ أَنْ لَا إِلَهَ إِلَّا اللَّهُ وَأَنَّ مُحَمَّدًا رَسُولُ اللَّهِ، وَإِقَامِ الصَّلَاةِ، وَإِيتَاءِ الزَّكَاةِ، وَالحَجِّ، وَصَوْمِ رَمَضَان
رواه البُخاريُّ ومُسلِم
ഇബ്നു ഉമര് (റ) പറയുന്നു. റസൂലുല്ലാഹി (സ) അരുളി: ഇസ്ലാമിന്റെ അടിസ്ഥാനം അഞ്ച് കാര്യങ്ങളാണ്. 1.അല്ലാഹുവല്ലാതെ ഇലാഹ് (ആരാധനക്കര്ഹന്) ആരുമില്ലെന്നും മുഹമ്മദ് (സ) അല്ലാഹുവിന്റെ അടിമയും ദൂതനുമാണെന്നും സാക്ഷ്യം വഹിക്കുക. 2.നമസ്കാരം നിലനിര്ത്തുക. 3.സകാത്ത് കൊടുക്കുക. 4.ഹജ്ജ് നിര്വഹിക്കുക. 5.റമളാനില് നോമ്പനുഷ്ഠിക്കുക.
റസൂലുല്ലാഹി (സ) ഈ ഹദീസില് ഇസ്ലാമിനെ ഒരു കെട്ടിടത്തോടും അഞ്ച് കാര്യങ്ങളെ അതിന്റെ തൂണുകളോടും ഉപമിച്ചു കൊണ്ട് അവയുടെ പ്രാധാന്യം മനസ്സിലാക്കിത്തന്നിരിക്കുന്നു. ഈ അഞ്ച് കാര്യങ്ങളെ യഥാവിധി അനുഷ്ഠിക്കുന്നതില് ഒരു മുസ്ലിമും വീഴ്ച വരുത്താന് പാടില്ല. കാരണം അവ ദീനിന്റെ അടിസ്ഥാനശിലകളാണ്. എന്നാല് ദീനിന്റെ അടിസ്ഥാനശിലകള് ഈ അഞ്ചെണ്ണത്തില് മാത്രം ഒതുങ്ങുന്നതല്ല. ജിഹാദ്, നന്മയെ കല്പിക്കല്, തിന്മയെ തടയല് എന്നിങ്ങനെയുള്ള ഒട്ടനവധി നിര്ബന്ധകടമകള് വേറെയുമുണ്ട്. എങ്കിലും അടിസ്ഥാനപരമായ അഞ്ചു കാര്യങ്ങള്ക്കുള്ള പ്രാധാന്യം മറ്റൊന്നിനുമില്ല. അതിനാല് ഈ അഞ്ചു കാര്യങ്ങളെ ഇസ്ലാമിന്റെ റുക്നുകള് എന്ന് പറയപ്പെടുന്നു. ഒരാളിലെ ഇസ്ലാമിനെ തിരിച്ചറിയാനുപകരിക്കുന്നതും ഇസ്ലാമിന്റെ യാഥാര്ത്ഥ്യം കൂടുതലായി ഉളവാക്കാന് ഉപയുക്തവുമാണ് ഈ കാര്യങ്ങള്. അതോടൊപ്പം അവ സംശുദ്ധ ഇസ്ലാമിക പ്രകൃതിയുടെ പ്രേരണയും എപ്പോഴും നിലനില്ക്കേണ്ടതുമാണ്.
റസൂലുല്ലാഹി (സ) ഈ ഹദീസില് ഇസ്ലാമിനെ ഒരു കെട്ടിടത്തോടും അഞ്ച് കാര്യങ്ങളെ അതിന്റെ തൂണുകളോടും ഉപമിച്ചു കൊണ്ട് അവയുടെ പ്രാധാന്യം മനസ്സിലാക്കിത്തന്നിരിക്കുന്നു. ഈ അഞ്ച് കാര്യങ്ങളെ യഥാവിധി അനുഷ്ഠിക്കുന്നതില് ഒരു മുസ്ലിമും വീഴ്ച വരുത്താന് പാടില്ല. കാരണം അവ ദീനിന്റെ അടിസ്ഥാനശിലകളാണ്. എന്നാല് ദീനിന്റെ അടിസ്ഥാനശിലകള് ഈ അഞ്ചെണ്ണത്തില് മാത്രം ഒതുങ്ങുന്നതല്ല. ജിഹാദ്, നന്മയെ കല്പിക്കല്, തിന്മയെ തടയല് എന്നിങ്ങനെയുള്ള ഒട്ടനവധി നിര്ബന്ധകടമകള് വേറെയുമുണ്ട്. എങ്കിലും അടിസ്ഥാനപരമായ അഞ്ചു കാര്യങ്ങള്ക്കുള്ള പ്രാധാന്യം മറ്റൊന്നിനുമില്ല. അതിനാല് ഈ അഞ്ചു കാര്യങ്ങളെ ഇസ്ലാമിന്റെ റുക്നുകള് എന്ന് പറയപ്പെടുന്നു. ഒരാളിലെ ഇസ്ലാമിനെ തിരിച്ചറിയാനുപകരിക്കുന്നതും ഇസ്ലാമിന്റെ യാഥാര്ത്ഥ്യം കൂടുതലായി ഉളവാക്കാന് ഉപയുക്തവുമാണ് ഈ കാര്യങ്ങള്. അതോടൊപ്പം അവ സംശുദ്ധ ഇസ്ലാമിക പ്രകൃതിയുടെ പ്രേരണയും എപ്പോഴും നിലനില്ക്കേണ്ടതുമാണ്.
(അവലംബം: മആരിഫുല് ഹദീസ് പേജ്: 77,78
പ്രസിദ്ധീകരണം സയ്യിദ് ഹസനി അക്കാദമി)