عَنْ عَدِيِّ بْنِ حَاتِمٍ رضي الله عنه قَالَ: قَالَ رَسُولُ اللَّهِ صلى الله عليه وسلم: مَا مِنْكُمْ مِنْ أَحَدٍ إِلَّا سَيُكَلِّمُهُ رَبُّهُ، لَيْسَ بَيْنَهُ وَبَيْنَهُ تُرْجُمَانٌ فَيَنْظُرُ أَيْمَنَ منه، فَلَا يَرَى إِلَّا مَا قَدَّمَ، وينطر أشأم مِنْهُ، فَلَا يَرَى إِلَّا مَا قَدَّمَ، وَيَنْظُرُ بَيْنَ يَدَيْهِ فَلَا يَرَى إِلَّا النَّارَ تِلْقَاءَ وَجْهِهِ، فَاتَّقُوا النَّارَ وَلَوْ بِشِقِّ تَمْرَة
متفق عليه
അര്‍ത്ഥം: അദിയ്യിബ്‌നു ഹാതിം (റ) പറയുന്നു: റസൂലുല്ലാഹി (സ) അരുളി: നിങ്ങളില്‍ ഓരോരുത്തരോടും അവരുടെ രക്ഷിതാവ് ഇടയില്‍ പരിഭാഷകനും മറയും ഇല്ലാതെ സംസാരിക്കുന്നതാണ്. (അപ്പോള്‍ അടിമ അമ്പരന്ന് അങ്ങോട്ടും ഇങ്ങോട്ടും നോക്കും) അവന്‍ വലതുവശത്തേക്ക് നോക്കുമ്പോള്‍ സ്വന്തം പ്രവര്‍ത്തനങ്ങളല്ലാതെ മറ്റൊന്നും കാണുകയില്ല. അവന്‍ ഇടത് വശത്തേക്ക് നോക്കുമ്പോഴും സ്വന്തം പ്രവര്‍ത്തനങ്ങളല്ലാതെ മറ്റൊന്നും കാണുകയില്ല. അവന്‍ മുന്നിലേക്ക് നോക്കും.അപ്പോള്‍ മുന്നില്‍ നരകം മാത്രമായിരിക്കും കാണുന്നത്. ആകയാല്‍ ജനങ്ങളെ, കാരക്കയുടെ ഒരു കഷണം കൊണ്ടെങ്കിലും നിങ്ങള്‍ നരകത്തെ സൂക്ഷിക്കുക. (ബുഖാരി, മുസ്‌ലിം)
വിവരണം: നരകാഗ്നിയില്‍ നിന്നും രക്ഷപെടുന്നതിനായി ദാനധര്‍മ്മങ്ങള്‍ ചെയ്യുക. കാരയുടെ കഷണം മാത്രമാണ് കൈയിലുള്ളതെങ്കിലും അത് അല്ലാഹുവിന്റെ മാര്‍ഗത്തില്‍ നല്‍കുക. ഇതാണ് ഹദീസിന്റെ സന്ദേശം.പരിശുദ്ധ ഖുര്‍ആനിലും ഹദീസിലും അ്യദിനത്തിന്റെയും വിചാരണയുടെയും ഭീതിദമായ ദൃശ്യങ്ങളും നരകത്തിലെ ഭയാനക ശിക്ഷകളും വിവരിക്കപ്പെട്ടിരിക്കുന്നത് മനുഷ്യന്‍ അവ മനസ്സിലാക്കി അവയില്‍ നിന്നും രക്ഷപ്പെടുവാന്‍ പരിശ്രമിക്കുന്നതിന് വേണ്ടിയാണ്. ഉപ
രിസൂചിത ഹദീസിന്റെ അവസാന ഭാഗത്ത് ഈ ലക്ഷ്യം വ്യക്തമാക്കപ്പെട്ടിട്ടുണ്ട്. ഇത് വ്യക്തമായി പറയപ്പെടാത്ത ഹദീസുകള്‍ക്കും ബാധകമാണിത്. ഈ വിഷയത്തില്‍ വന്നിട്ടുള്ള മുഴുവന്‍ ആയുകളില്‍ നിന്നും ഹദീസുകളില്‍ നിന്നും ഇതേ പാഠമാണ് നാം ഉള്‍ക്കൊള്ളേണ്ടത്.
No comments:
Post a Comment